O Plan reflexiona sobre a necesidade de facer un esforzo por impulsar a investigación en materia cooperativa e dar pulo ás diferentes actuacións en materia de I+D+I tendo en conta a especificidade cooperativa, favorecendo o intercambio de experiencias e fomentando a transferencia de coñecementos tanto no seo da cooperativa como a través das relacións de intercooperación.

Co obxecto de impulsar a execución destas liñas de actuación, é necesario levar a cabo actividades de impulso da investigación, do desenvolvemento tecnolóxico e da innovación, que deseñen accións, programas e proxectos operativos e contemplen a súa posta en marcha, asistencia técnica e acompañamento inicial.