O conxunto de servizos do proxecto I+Coopera aos que xa poden acceder as súas cooperativas son os seguintes:

• Servizo de información: a través do boletín electrónico, na web e nas redes sociais (facebook, twitter e linkedin) con información sobre as novidades relativas ao cooperativismo e a innovación.
• Servizo de formación: para o que están previstos 6 cursos de formación en I+D+i adaptados ao mundo cooperativista en formato semipresencial.
• Servizo de tutorización de proxectos de I+D+i: prestando apoio personalizado e asesoramento técnico a aquelas cooperativas que queiran identificar e impulsar proxectos de I+D e innovación.
• Servizo de dinamización de intercooperación: posibilitando ás cooperativas poder participar en 8 redes de intercooperación de diferentes temáticas orientadas á definición de iniciativas conxuntas entre as cooperativas.
• Servizo de divulgación e difusión: identificando e dando a coñecer casos de éxito en experiencias innovadoras noutras cooperativas galegas, realizando diferentes estudios e guías e organizando xornadas divulgativas.